حول صورتك العاديه الى صوره استوديو فى ثوانى

أكيد كلنا عندنا صور ونحبها الصور هادي عشانها ذكريات عزيزة على قلبنا لكن مصيرها انها مخزنة بالكمبيوتر عشان شكلها مو مرة حلو او انها ما تنفع للطباعة
اليوم تعالي أتعلمي معايا كيف نخلي الصور كنها صور أستوديو ونقدر نطبعها ونحط في البوم الصور المفضلة كمان او نخليها خلفية شاشة المكتب
اكيد مشكلتنا في الصور هي الخلفية وخصوصا صور الأطفال
يعني لما يكون للبيبي مزاج يضحك ما راح يستنى تسوي له خلفيه ولا تحطيه في مكان حلو او يكون المكان وراه كراكيب ومو حلو
انتي القطي الصورة وبعدين نتصرف في الخلفية بس خليه يطل بطلته على الصورة والباقي كله يتعدل وما عليكي
والحمد لله الفوتوشوب ما خلى شي


شوفوا الصورة قبل وبعد التعديل



أول تعالوا معايا خطوة بخطوة أعلمكم كيف تخلوا صوركم العادية صور احترافية باستخدام الفوتوشوب

اهم شي تطبقي الدرس خطوة بخطوة على اي صورتين عندك
وبعد ثلاثة او اربعة صور بتتمكني من الطريقة وما تحتاجي ترجعي للدرس

بسم الله نبدأ

اول شي نفتح الصورة اللي نبغا نعدلها وراح نسميها صورة رقم (1)
وبعدين نفتح صورة الخلفية وراح نسميها صورة رقم (2)






نروح للصورة (1) ونضاعفها وذلك بالضغط على الطبقة بالزر اليمين للماوس واختيار Duplicate Layer وتصير طبقات الصورة زي كده




نروح للصورة رقم (2) ونسحبها على الصورة رقم واحد باستخدام هذه الأداة وعن طريق السحب والإفلات

نحط الصورة الثانية بين الطبقتين للصورة الأولى يعني زي كده






نروح للطبقة الأولى اللي فوق أول وحدة ومن ونختار أداة التحديد هاذي ونخلي قيمة التلاشي feather 20 px




ونبدأ تحديد حول الصورة رقم واحد ونبدأ نحدد الأطراف التي نريد المحافظة عليه مع الابتعاد عن الحواف بمقدار بسيط ( وهاذي أسهل طريقة لعزل الخلفية لأنها ما تحتاج دقة كبيرة وما تبين الصورة انها مقصوصة يعني تعطي نتائج طيبة)




نعكس التحديد بالضغط على ctrl+shift+i
ونضغط delete
راح تصير الصورة بالشكل هذا




My Problemo هي هنا ..لاني لمن اضغط ,, ما يحط لي الخلفية

يحط لي خلفية بيضاء !!

هل من حل ؟

باستخدام اداة الممحاة وتكون على هذه الاعدادات

نبدأ بتعديل الاطراف الزايد ونمسحها

وراح تطلع عندنا هادي النتيجة




نروح للطبقة الثانية الصورة رقم (2) ونغير شفافيتها ونخليها 85 مثلا عشان تتناسق الخلفية مع الصورة ونطبق هاذي الاعدادت



نرجع مرة تانية للطبقة العلوية ونخلي الوانها فاتحة ومنورة عشان تتلائم مع الخلفية وذلك بالضغط على ctrl+m ونطبق القيم التالية على المنحنى




ونكرر هاذي العملية على الطبقة السفلية الاخيرة عشان تنور الصورة عندنا

نضغط على ctrl+shift+Eعشان نخلي الصورة مسطحة




وبعدين نطبق الفلتر الخرافي اللي قلتلكم عليه في موضوعي السابق

الفلتر #

يعتبر هذا الفلتر من أقوى أنواع الفلاتر اللي يستخدمها المصورين
فهي تجعل صورك مثل صور المشاهير في المجلات
مهما كان نوع كاميرتك ومهما كانت ظروف الصورة
مع هذا الفلتر سوف تكون مبدعا في كل مرة
باختصار لاغنى عنه للمحترفين والمبتدئين وكل اللي عندهم كاميرا رقمية

شوفي امثلة الفلتر






وهنا مثال للسايل لايف




وهادي عشان المناظر الطبيعية تخليها مثل صور الفنانين






ولتحميل الرابط مباشرة من هنا
http://www.optikvervelabs.com/virtualPhotographer.exe

نروح قائمة filter ونختار اخر فلتر تحت اسمه virtual photographer



راح تفتح نافذة جديدة لاعدادات الفلتر
نروح ونختار من القائمة Glamour وبعدين نغير الاعدادت شوي باللي يناسب الصورة
انا مثلا خففت التضبيب وقللت تباين الصورة وزودت اضائتها
( انتي اقعدي العبي وغيري لحد ما توصلي لنتيجة ترضي عنها)





واخيرا تضعي لمساتك الخاصة بالفرشاة وبالالوان اللي تحبيها

وهاذي راح تكون النتيجة





وهنا اضفت على الصورة برواز من الكروم الكحلي البارز وكتابة عشان تصير مثل الكروت